Озарбайжон президенти Илҳом Алиев халқаро ҳамжамиятдан Арманистонга қарши санкциялар жорий этилишини талаб қилди. Бу ҳақда «Интерфакс»га таяниб, «Газета.ru» хабар берди.
«Агарда халқаро ҳуқуқ ва гуманитар нормаларни қўпол равишда бузган Арманистонга қарши санкциялар, жиддий санкциялар қўлланилганида, балки можаро аллақачон барҳам топган бўларди. Халқаро ҳамжамиятнинг Арманистонга нисбатан бундай мўътадил сиёсати уларда қонунни бузган ҳолда бизнинг ерларимизда қолиш мумкинлиги тасаввурини уйғотади», — деди Алиев Европа кенгаши делегацияси билан бўлиб ўтган учрашувда.
Шунингдек, у Европада хавфсизлик ва ҳамкорлик ташкилотининг Минск гуруҳи асосчиларини Арманистонга нисбатан босимни кучайтиришга чақирди.
Изоҳ (0)