Россиянинг Пермь ўлкасида яшовчи аёл унинг икки ёшли қизининг номига капитал таъмир жамғармасидан тўлов квитансиялари келаётганини маълум қилди, деб ёзади «Газета.ru».
Қизчанинг номига келган квитансияда қайд этилишича, унинг жамғармадан 10 минг рубль қарзи бор.
«Қизим ҳали боғчага ҳам боргани йўқ, бироқ шунча қарзи бор», — дейди қизчанинг онаси.
Унинг сўзларига кўра, уй сотиб олаётганда барча зарур ҳужжатларни, жумладан фарзандларининг туғилганлик ҳақидаги гувоҳномаларини ҳам тақдим этган.
«Бироқ, барча квитанциялар ҳозирги кунга қадар икки ёшли қизчанинг номига келади», — дейди аёл.
У шунингдек, параллел тарзда квитанциялар унинг номига ҳам келишини қўшимча қилди. Бироқ уларда аёлнинг фамилияси нотўғри ёзилган.
Капитал таъмир жамғармаси ходимлари маълумотларни тўғрилаш учун уларга мурожаат қилишни тавсия этган.
Изоҳ (0)