Тошкент шаҳри марказидаги фаолияти тўхтагани хабар қилинган «Орзу» савдо-кўнгилочар маркази майдони Туркиянинг Demir Group холдингига берилган. Бу ҳақда, ўз манбаларига асосланиб, «Repost.uz» хабар бермоқда.
«Орзу» савдо-кўнгилочар маркази 2013 йил октябрида собиқ Mir Store мажмуаси ўрнида иш бошлаган эди. Ўз навбатида, 2010 йилда ёпилган Mir Store мажмуаси Demir Group томонидан бошқариларди.
2017 йил октябри бошида «Орзу»нинг фаолияти тўхтагани, хусусан, сўнгги вақтларда ишлаб турган фуд-корти ёпилгани маълум бўлди. Оrzu Fооd номли фуд-кортида фаолият олиб борган овқатланиш муассасалари бошқа жойларга кўчиб улгурган.
«Repost.uz»нинг «Орзу» раҳбариятига асосланиб қайд этишича, мажмуа таъмирлаш ишлари учун ёпилган. Бироқ «Repost.uz»нинг ўз манбалари мажмуа Demir Group холдингига берилганини таъкидлаган.Сентябрь ойида Demir Group раҳбарларидан бири Аҳмет Демир Тошкентга келгани, семинар ўтказгани маълум бўлган эди. У Тошкентда ресторан очиш ниятини билдирган эди. Бундан ташқари, «Чорсу» меҳмонхонасини реконструкция қилиш лойиҳаси айнан Demir Group’га ишониб топширилди.
Изоҳ (0)