Конго Демократик Республикаси пойтахти Киншаса шаҳри яқинида 30 сентябрь куни юз берган Ан-12 самолётининг қулаши оқибатида ҳалок бўлганлар орасида Ўзбекистон фуқароси ҳам бор. Бу ҳақда Россия Ташқи ишлар вазирлиги расмий вакили Мария Захарова маълум қилди.
Захарова хонимнинг Конго ДР Мудофаа вазирлиги 3 октябрь куни тақдим этган ахборотга таяниб маълум қилишича, самолёт экипажининг ҳалок бўлган беш аъзоси орасида, Украина ва Ўзбекистон фуқароларидан ташқари, уч нафар россиялик ҳам бўлган. Улар Конго ДРда шахсий шартномалар асосида ишлаб келаётган эди.
Аввалроқ Киншаса аэропортидан ҳавога кўтарилган Ан-12 ҳарбий-транспорт самолёти кўп ўтмай техник носозлик сабаб қулагани, самолёт бортида камида 10 киши бўлгани ҳақида хабар берилган эди. Дастлаб тарқатилган маълумотларда, ҳалок бўлганларнинг уч нафари украиналик, беш нафари эса конголик экани айтилган эди.
Изоҳ (0)