Тошкентдаги Инҳа университети SAP Next-Gen Lab лабораторияси ташкил этилади. Бу ҳақда университет матбуот хизмати маълум қилди.
Ўзбекистон Президенти Шавкат Мирзиёевнинг АҚШга ташрифи, шунингдек, Ўзбекистон АКТ соҳаси вакилларининг Калифорниядаги Кремий водийсига сафари давомида Тошкентдаги Инҳа университети ректори Сарвар Бобохўжаев ҳам делегация билан бирга бўлган.
Ташриф давомидаги музокаралар якунига кўра, Тошкентдаги Инҳа университети ректори Сарвар Бобохўжаев SAP ва Openbucks компаниялари билан англашув меморандумларини имзолаган.
Аввалроқ Тошкентдаги Инҳа университети онлайн тўлов тармоқларини яратишда етакчи бўлган Openbucks компанияси билан англашув меморандуми имзолагани, америкалик экспертлар ўзбекистонлик талабалар билан учрашувларини ташкил қилишга мўлжалланган Silicon Valley Talks лойиҳаси доирасида ташаббусларни амалга оширишга келишиб олгани ҳақида хабар берилган эди.
Университет матбуот хизматининг қайд этишича, SAP билан имзоланган ҳужжат доирасида олий ўқув юртида SAP Next-Gen Lab лабораториясини ташкил этилади. Бу лабораторияда университет талабаларини жалб этган ҳолда саноат корхоналари ва буюртмачилар учун инновацион ечимлар ишлаб чиқарилади.
Изоҳ (0)