Ўзбекистон банклари ҳали нақд валюта сотишни бошламади. Улар бу борада расмий тасдиқ олмагани бунга сабаб бўлди, деб хабар беради 1News.
Нашр банк соҳасида ишловчи манбасига кўра, шу кунларда ҳукуматнинг тегишли ҳужжати чиқарилиши кутилмоқда, унда нақд валютани аҳолига сотиш тартибининг аниқ регламентацияси келтирилади.
«Ўйлайманки, шу ойнинг 10-санасига қадар биз тегишли фармойишни оламиз ва уни ижро этишга киришамиз. Эшитишим бўйича, ҳозир ҳужжат тайёрланмоқда ва у барча инстанциялар, жумладан, Адлия вазирлиги, Сенат ва Марказий банкдан ўтиши лозим», — маълум қилди у.
Шу билан бирга, у аҳоли томонидан нақд валютанинг харид қилинишига бирор-бир чеклов қўйилиш-қўйилмаслигига аниқлик кирита ололмади.
Олдинроқ бош вазир Абдулла Арипов 1 октябрдан эътиборан аҳолига нақд валюта сотиб олиш рухсат этилишини билдирган эди. Бундан ташқари, буни Марказий банк раисининг биринчи ўринбосари Темур Ишметов ҳам тасдиқлаган, Ўзбекистон бир неча ой ичида нақд валюта харидини очишини билдирган эди. Унинг сўзларига қараганда, бу масала кун тартибида турибди ва регулятор бу ечимга босқичма-босқич келмоқда.
Ҳозирча нақд валютани юридик шахслар чекловларсиз харид қилиши мумкин.
Изоҳ (0)