2014 йил мартида ғойиб бўлган Малайзия Boeing’ини уч йиллик қидирувлардан кейин ҳам топа олишмади, деб ёзади «РИА Новости». Аммо энди унинг қаердалигини каттароқ аниқлик билан белгилаш мумкин. Бу ҳақда Австралия транспортда хавфсизлик бюроси якуний маърузасида айтилади.
Malaysia Airlines авиакомпаниясининг Куала-Лумпурдан Пекинга MH370 рейсини амалга ошираётган Boeing 777-200 самолёти 2014 йил 8 мартга ўтар кечаси радарлар экранларидан йўқолиб қолган эди. Унинг бортида 227 йўловчи ва 12 экипаж аъзоси бўлган. У Ҳинд океанининг жанубий қисмида ҳалокатга учраган деб тахмин қилинмоқда. Қидирув операцияси ҳалокат жойини аниқлай олмади.
Лайнернинг ғойиб бўлишини текшириш ишлари ҳаво кемалари жойлашган жойини аниқлаш тизимини такомиллаштиришга ёрдам бергани таъкидланди. «MH370 қаерда бўлиши мумкинлиги ҳақидаги тушунча ҳозир ҳар қачонгидан кўра яхшироқ», — дейилади баёнотда.
Бюро маълумотларига кўра, 2017 йил январигача денгиз қаърида 120 минг квадрат километрдан ортиқ ҳудуд текшириб чиқилган. Мутахассислар лайнер парчалари топилиши эҳтимоли юқори бўлган 25 минг квадрат км ҳудудни аниқлаган.
Малайзия ҳукумати такширувни тўхтатмаслиги айтилди.
Изоҳ (0)