Пичоқ билан қуролланган номаълум кимса Каталониядаги сайлов участкаларидан бирига бостириб кириб, икки кишини яралади. Бу ҳақда La Vanguardia газетаси мухторият ҳуқуқ-тартибот органларига таяниб хабар берди, деб ёзади «Коммерсантъ».
Нашр маълумотларига кўра, ҳодиса маҳаллий вақт билан 17:00 да Барселона провинциясига кирувчи Санта-Маргарида-де-Монбуй муниципалитетида юз берган. Номаълум эркак бақир-чақирлар билан мактабга кириб келган, уни қўлга олгунларича икки кишини яралашга улгурган.
Эслатиб ўтамиз, Каталония ҳукуматининг сўнгги маълумотларига кўра, 1 октябрь — ҳудуд мустақиллиги ҳақидаги референдум ўтказилган кунда — полиция билан тўқнашувлар натижасида 844 киши жабрланди.
Изоҳ (0)