Ассанж Каталониядаги референдумда 700 мингта тўлдирилган бюллетень мусодара қилинганини айтди

Wikileaks асосчиси Жулиан Ассанж Каталониядаги мустақиллик ҳақидаги референдум чоғида Испания ҳуқуқ-тартибот органлари 700 мингга яқин тўлдирилган сайлов варақаларини мусодара қилганини айтди, деб ёзади «Коммерсантъ».

«700 мингга яқин тўлдирилган бюллетенлар Испания кучлари томонидан мусодара қилинди ва овоз бериш натижаларига киритилмади», — деб ёзди Ассанж Twitter’даги саҳифасида.

Аввалроқ Жулиан Ассанж Каталония мустақиллиги ҳақидаги референдум атрофидаги низоларни изоҳлаган ва уларни «биринчи интернет-уруш» деб атаган эди.

Эслатиб ўтамиз, Каталония ҳукуматининг расмий вакили Жорди Турул Барселонадаги матбуот анжуманида референдум иштирокчиларининг 90 фоизи Испаниядан ажралиб чиқиш учун овоз берганини маълум қилди.

Some 700,000 completed ballots were seized by Spanish forces and not included in the count.

— Defend Assange Campaign (@DefendAssange) October 1, 2017