КХДР етакчисининг акаси Ким Чон Намни ўлдирганликда гумонланаётган икки шахс Малайзияда бўлиб ўтган судда айбини тан олмаслигини маълум қилди. Бу ҳақда Reuters’га асосланиб, «РБК» хабар бермоқда.
Гумонланувчилар — 25 ёшли Индонезия фуқароси Сити Айша ва 28 ёшли Вьетнам фуқароси Доан Тхи Хуонглар айбини тан олган тақдирда суд уларни ўлим жазосига ҳукм этиши мумкин.
Тергов талқинига кўра, қизлар 13 февраль куни Куала-Лумпур аэропортида Ким Чхоль номига берилган дипломатик паспортга эга КХДР фуқаросига ҳужум қилган. Қайд этилишича, улар кореялик фуқаронинг юзига таркибида заҳарли моддалар бўлган ёғни суртишган.
Жанубий Кореяда ҳалок бўлган шахс анча вақтдан бери Хитойнинг Макао шаҳрида яшайдиган Ким Чен Иннинг акаси эканлиги ҳақидаги хабарлар тарқалди. Пхеньянда эса гап Ким Чон Нам ҳақида кетаётгани ҳақида расмий равишда эълон қилинмади.
КХДР март ойида Сити Айша ва Доан Тхи Хуонгга нисбатан мамлакат етакчисининг акаси ўлими юзасидан расмий айблов эълон қилди. Терговларда айбланувчилар қотиллик содир этаётганини билмагани ва ўзларини реалити-шоуда иштирок этаётган, деб ўйлаганини маълум қилган.
Изоҳ (0)