Каталония жамоатчилик ташкилотлари ва касаба уюшмалари раҳбарлари 3 октябрь куни ялпи иш ташлаш ўтказишга чақирди, деб ёзади «Коммерсантъ».
Шу тариқа улар полициянинг мустақиллик ҳақидаги референдум иштирокчиларига нисбатан шафқатсиз чораларига қарши чиқмоқчи.
Бундан ташқари, Каталония ҳукумати Евроиттифоққа мурожаат қилиб, референдум чоғида инсон ҳуқуқлари бузилгани ҳақидаги масалани кўриб чиқишни талаб қилмоқчи. Бу ҳақда Каталония ҳукумати раҳбари Карлес Пучдемон маълум қилди.
Эслатиб ўтамиз, Каталония ҳукуматининг расмий вакили Жорди Турул Барселонадаги матбуот анжуманида референдум иштирокчиларининг 90 фоизи Испаниядан ажралиб чиқиш учун овоз берганини маълум қилди.
Каталония ҳукуматининг сўнгги маълумотларига кўра, 1 октябрь — ҳудуд мустақиллиги ҳақидаги референдум ўтказилган кунда — полиция билан тўқнашувлар натижасида 844 киши жабрланди.
Изоҳ (0)