Британия матбуоти 27 сентябрь куни тез орада «Тахтлар ўйини» сериалининг актёрлари Кит Харингтон ҳамда Роуз Леслининг тўйи бўлиб ўтиши ҳақида хабар берди. «Коммерсантъ» нашри суратга олиш жараёнларида ўзаро танишиб қолиб, сўнг оила қурган актёрлар ҳақида маълумот тўплаб тақдим этди.
1936 йилда «Англия узра олов» фильмининг суратга олиш жараёнида британиялик актёрлар Лоуренс Оливье ҳамда Вивьен Ли ўртасида севги пайдо бўлди. Бу вақтда ҳар иккисининг ҳам ўз оиласи бор эди. 1940 йилда уларнинг турмуш ўртоқлари ажрашишга рухсат берган ва актёрлар ўзаро оила қуришга муваффақ бўлган. 1950 йилларда Вивьен Ли асабий бўлиб қолганлиги сабаб, тез-тез ғазаб отига минган. Лининг бу каби хатти-ҳаракатлари оилавий ҳаётга салбий таъсир кўрсатган. Оқибатда жуфтлик 1960 йилда ажрашиб кетган.
1944 йилда 19 ёшли америкалик актриса Лорен Бэколл То Havе аnd Have not фильмидаги ҳамкасби, ўша вақтда 45 ёш бўлган Хамфри Богарт билан танишиб қолган. Богарт Лоранни деб турмуш ўртоғи билан ажрашган. 1945 йилнинг 21 майида оила қурган жуфтлик кейинчалик икки нафар фарзанд ҳам кўрган. Турмуш ўртоғининг ўлимидан сўнг, Бэколл бошқа бир актёр — Жейсон Робардсга турмушга чиққан, бироқ унинг спиртли ичимликларга ружу қўйгани сабаб оила бузилиб кетган.
1958 йилнинг январида Тhе Long, Hot Summer фильмини суратга олиш жараёнида танишиб қолишганидан сўнг, америкалик актёрлар Пол Ньюман ҳамда Жоан Вудвард ўз никоҳларини рўйхатдан ўтказган. Жуфтлик 50 йилдан ортиқ бирга яшади. 2008 йилнинг 26 сентябрь куни Ньюман ўпка саратони сабаб оламдан ўтган.
1960 йилда «Рокко ва унинг акаси» фильмини суратга олиш вақтида италялик актёр Ренато Сальваторе ҳамда франциялик актриса Анни Жирардо ўзаро танишиб қолган. 1962 йилнинг 6 январида улар оила қурган. Жуфтликнинг Жулиа исмли қизи бор. Аммо Жирардонинг сўзларига кўра, унинг эри спиртли ичимликларга муккасидан кетгани сабаб идеал турмуш ўртоқ бўлмаган.
1961 йилда «Клеопатра» фильмининг суратга олиш вақтида Элизабет Тейлор ҳамда Ричард Бёртон ўртасида илиқлик пайдо бўлган. 1964 йилда улар ўзаро оила қурган. 1974 йилда, ўн йиллик никоҳдан сўнг жуфтлик ажрашган, бироқ бир йилдан ўтгач, улар яна қайта оила қуришган. Аммо бу ҳам узоқ давом этмаган. Уларнинг шахсий ҳаётлари асосида ҳатто «Бёртон ва Тейлор» (2013 йил) номли фильм ҳам суратга олинган. Жуфтликнинг фарзандлари бўлмаган, бироқ актёрлар германиялик уч ёшли қизалоқни асраб олган. «Рижарддан сўнг ҳаётимда бўлган эркаклар, фақатгина пальтомни олиб беришга ёки эшик очиш учунгина бўлган. Ундан кейинги барча эркаклар шунчаки суҳбатдош бўлган», — деган эди актриса.
1989 йилда Days of Thunder фильмининг суратга олиш вақтида Николь Кидман ва Том Круз ўртасида муҳаббат учқунлаган. Актёрлар шу йилнинг ўзида оила қурган. 2001 йилнинг февралида улар ажрашиб кетишган. Фарзандлари бўлмаган, бироқ бир ўғил ва бир қизни асраб олишган. 2017 йилнинг сентябрида Николь Кидман Emmy мукофотини топшириш маросимида сўзлаган нутқи сабаб танқидлар остида қолган — у саҳнадан туриб ҳозирги турмуш ўртоғи Кит Урбанга ва ўзларининг икки нафар фарзадига миннатдорчилик билдирган, аммо асраб олган болаларини ёдга олмаган.
1996 йилда «Квартира» фильмининг суратга олиш вақтида италиялик актриса Моника Беллуччи ўзининг бўлажак турмуш ўртоғи франциялик актёр Венсан Кассель билан танишиб қолган. 1999 йилнинг 3 августида жуфтлик ўз никоҳини рўйхатдан ўтказган, уларнинг бир нафар қизи бор. 2013 йилнинг августида Беллуччининг вакиллари улар «мутлақо келишув асосида» ажрашишгани ҳақида хабар берган эди.
2005 йилда «Жаноб ва хоним Смит» фильмининг суратга олиш жараёнида Голливуд актёрлари Брэд Питт ва Анжелина Жоли ўзаро муносабатга киришган. Ўзларининг уч нафар фарзанди, шунингдек, уч нафар асраб олган болаларига қарамай жуфтлик 2014 йилдагина муносабатларини расмийлаштирган. Бироқ 2016 йилнинг сентябрида улар ажрашиш ниятида эканликларини маълум қилган.
2015 йилнинг 4 июлида америкалик актёрлар Мила Кунис ҳамда Эштон Катчер оила қурди. Улар 1998 йилда суратга олинган «70 йилларнинг шоуси» телесериали вақтида танишиб қолишган, бироқ романтик муносабатлар ҳақида 2012 йилда эълон қилинган. Уларнинг икки нафар фарзанди бор.
Jаmón Jаmón фильмининг суратга олиш ишларидан 15 йил ўтиб, 2007 йилда испаниялик актёрлар Пенелопа Крус ҳамда Хавьер Бардем учрашишни бошлаган. 2010 йилнинг июлида улар расман никоҳдан ўтган, ҳозирда уларнинг икки нафар фарзанди бор.
2010 йилнинг декабрида Dream House фильмини суратга олиш вақтида Дэниэл Крэйг ҳамда Рэйчел Вайс ўзаро муносабатларини бошлаган. Улар фильмда эр-хотин ролини ижро этгани эътиборли. 2011 йилнинг 22 июнида актёрлар оила қурган. Ҳозирча фарзандлари йўқ.
2017 йилнинг сентябрида хориж матбуоти Алисия Викандер ва Майкл Фассбендер тез орада оила қуришлари ҳақида хабар тарқатди. Улар The Light Between Oceans (2014) фильмининг суратга олиш жараёнларида танишиб қолишган. Манбаларнинг хабар беришича, улар шу йил оила қуради.
2016 йилда «Тахтлар ўйини» сериалининг машҳур актёрлари Кит Харингтон ва Роуз Лесли 2012 йилдан бери ўзаро муносабатда эканликларини тасдиқлаган. Жорий йилнинг сентябрида Британия матбуоти ушбу жуфтлик яқин орада оила қуриши ҳақида хабар тарқатган.
Изоҳ (0)