АҚШ Соғлиқни сақлаш ва аҳолини ижтимоий ҳимоя қилиш вазирлиги раҳбари Том Прайс истеъфога чиқишга қарор қилди. Президент Дональд Трамп унинг кетиш борасидаги қарорига рози бўлди. Бу ҳақда Оқ уй матбуот котиби Сара Сандерсга асосланиб, «Интерфакс» хабар берди.
Бунга қадар АҚШ президенти Дональд Трамп Прайсдан норози эканлигини ва соғлиқни сақлаш вазири унинг Америка маъмуриятида коррупцияни тўхтатиш борасидаги режаларига халақит бераётганини маълум қилганди.
Трамп жорий ҳафта давомида журналистларга Прайсни ишдан бўшатиш борасидаги режасини ошкор қилганди.
Аввалроқ, Прайс АҚШ солиқ тўловчиларига бир неча юз минг долларга тушадиган хусусий чартер самолётларидан ҳаддан ташқари кўп фойдалангани учун кескин танқидлар остида қолганди.
Изоҳ (0)