АҚШ Ироқ Курдистонининг Ироқдан мустақил бўлиб ажралиб чиқиш учун ўтказган референдумини қонуний деб ҳисобламайди. Бу ҳақда давлат котиби Рекс Тиллерсоннинг баёнотига асосланиб, «Интерфакс» хабар берди.
«АҚШ Курдистон минтақавий ҳукумати томонидан бир томонлама равишда ўтказилган референдумни тан олмайди. Овоз бериш жараёни ва унинг натижалари қонун нуқтаи назаридан тандиқларга бардош бермайди ва биз ягона, федерал, демократик ва гуллаб-яшнаётган Ироқни қўллаб-қувватлашни давом этамиз», — дейилади баёнотда.
Шунингдек, баёнотда таъкидланишича, АҚШ «бир томонлама қадам»нинг салбий оқибатларидан хавотирда.
«ИШИДга қарши кураш якунлангани йўқ, эктремистик гуруҳлар беқарорлик ва келишмовчиликдан фойдалашга умид қилади. Биз ироқлик шерикларимиздан диққат-эътиробини ИШИДга қарши курашга қаратишларини сўраймиз», — дейилади АҚШ давлат котибининг баёнотида.
Ироқ Курдистонининг мустақиллик учун референдуми 25 сентябрь куни бўлиб ўтди. Сайловчиларнинг 90 фоиздан ортиғи унинг мустақиллигини ёқлаб овоз берган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)