Ўзбекистонда ўт ўчирувчиларга рейтинг баҳолари натижасига қараб пул мукофотлари берилади

Вазирлар Маҳкамасининг 27 сентябрдаги қарори билан Давлат ёнғин хавфсизлиги хизматининг ёнғин хавфсизлиги инспекторларини, шунингдек, ёнғинларни ўчириш бўлинмаларининг сафдорлари таркиби ва хизматчиларини пул мукофоти билан тақдирлаш тартиби тўғрисидаги низом тасдиқланди, деб ёзади Norma.

Ҳужжатда қайд этилишича, юксак касб маҳоратини намойиш қилаётган ва ёнғинларнинг олдини олиш ва ўчиришга салмоқли ҳисса қўшаётган ходимлар қуйидаги тартибда мукофотланади:

• ёнғин хавфсизлиги инспекторлари — ҳар чорак якуни бўйича бир лавозим маоши миқдоригача миқдорда бирйўла пул мукофоти билан;
• ёнғинларни ўчириш бўлинмаларининг сафдорлари таркиби ва хизматчилари — йил якунлари бўйича бир лавозим маошигача миқдорда бирйўла пул мукофоти билан.

Ёнғин хавфсизлиги инспекторларининг касбий яроқлилигини баҳолашнинг рейтинг тизими Ички ишлар вазирлиги томонидан белгиланади.

Муайян кўрсаткичлардан келиб чиқиб, моддий тақдирлашнинг қуйидаги тоифалари белгиланади:

• 1-тоифа — лавозим маошининг 100 фоизи миқдорида;
• 2-тоифа — лавозим маошининг 50 фоизи миқдорида.