Ўзбекистон Республикаси норматив-ҳуқуқий ҳужжатларнинг муҳокамаси порталида Президентнинг «Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштиришга доир чора-тадбирлар тўғрисида»ги қарори лойиҳаси муҳокама қилинмоқда. Бу ҳақда Norma хабар берди.
«Ногирон» атамаси ўрнига «ногиронлиги бўлган шахс»дан фойдаланиш таклиф қилинмоқда. БМТнинг ногиронлар ҳуқуқлари тўғрисидаги Конвенциясини ратификация қилишнинг зарурлиги қайд этилди. «Ўзбекистон Республикасида ногиронларни ижтимоий ҳимоя қилиш тўғрисида»ги Қонун асосида эса «Ногиронлиги бўлган шахслар ҳуқуқлари тўғрисида»ги Қонун ишлаб чиқилади.
3 декабрь кунини Ўзбекистонда «Ногиронлиги бўлган шахслар куни», деб эълон қилиш таклиф қилинди. Шунингдек, Ногиронлиги бўлган шахсларни қўллаб-қувватлаш жамғармасини ташкил этиш мақсад қилинган.
Бундан ташқари, тахминан келгуси йилда қўшимча равишда қуйидаги чора-тадбирлар қабул қилиш кўзда тутилган:
- ногиронликни тайинлаш масаласи бўйича ҳамкорликнинг электрон тартиби жорий этилади (2018 йил 1 январдан). Натижада, ЙИДХП орқали электрон шаклда мурожаат қилиш ва ҳужжатларни тақдим этиш мумкин бўлади;
- ногиронлиги бўлган шахсларнинг ягона электрон реестри жорий этилади, у ўз ичига ушбу шахслар, тайинланган пул тўловлари миқдори ва турлари, берилган реабилитациянинг техник воситалари ва протез-ортопедик буюмлар, дори-дармонлар, тақдим этилган ижтимоий хизматлар ва имтиёзлар тўғрисида комплекс ахборотни олади (2018-ёл 1 мартдан). Бу мазкур соҳада ишларнинг ҳолати тўғрисида тезкор ахборот олиш, давлат органлари ўртасида маълумотлар алмашишни амалга ошириш, бюджет маблағларини мақсадга номувофиқ сарфлаш ва суиистеъмолчилик фактларини олдини олиш имконини беради;
- ногиронлиги бўлган шахслар учун мослаштирилмаган йўловчи транспортини харид қилиш тақиқланади (2018 йил 1 январдан). Шунингдек, ногиронлиги бўлган шахслар учун мослаштирилган, шу жумладан қайта жиҳозлаш имконияти билан автотранспорт воситаларини ишлаб чиқариш бошланади;
- ногиронлик бериш ва ногиронлик бўйича пенсия тўлаш тартиби мезонлари қайта кўриб чиқилади (2018 йил 1 февралгача). Бу йўналишда халқаро стандартларга ўтиш амалга оширилиши керак;
- олий таълим муассасаларида ногиронлиги бўлган шахслар имтиёзли шартларда ўқишга кириши учун квоталар жорий қилинади (2018 йил 1 мартгача).
I – ногиронлиги бўлган шахсларнинг ҳаёт сифати ва даражасини ошириш;
II – ногиронликни профилактика қилиш, ногиронлиги бўлган шахсларга тиббий-ижтимоий ёрдам ва ижтимоий реабилитациянинг самарадорлигини ошириш;
III - ногиронлиги бўлган болаларни тарбиялаш, уларни талаб бўлган касбларга ўқитиш тартибини такомиллаштириш, ногиронлиги бўлган шахсларни махсус касбий тайёрлаш ва янги касбларга қайта тайёрлаш, шунингдек уларни ишга жойлаштиришга ёрдам бериш;
IV – тиббий-ижтимоий муассасаларни моддий-техник жиҳозлашни яхшилаш, ногиронлиги бўлган шахслар фойдаланиши имконияти бўлган ва қулай муҳитни таъминлаш.
Лойиҳа ўзгартирлиши, қўшимча киритилиши ёки рад этилиши мумкин.
Изоҳ (0)