Россиянинг Брянск вилояти Климово қишлоғи муроса суди болаларга пичоқ билан таҳдид қилган, уларнинг овқатини тортиб олган, оғзини скотчлаб қўйган боғча тарбиячиси устидан очилган иш бўйича ҳукм чиқарди. Бу ҳақда «ТАСС» хабар бермоқда.
Айтилишича, ёш болаларга нисбатан зуғум ўтказган ушбу аёл 300 соатлик жамоат ишларига ҳукм қилинди. У вояга етмаган болаларга нисбатан шафқатсиз муносабатда бўлишда айбланди.
Аёлнинг жиноий иш методлари ҳақида ҳуқуқ-тартибот органларига болаларнинг ота-онаси хабар берди. Текширув барча даъволарни тасдиқлади.
Бу каби воқеалар Ўзбекистонда ҳам кузатилган эди. Жумладан, бир неча ой аввал ижтимоий тармоқларда Сурхондарё вилоятининг Денов туманидаги болалар боғчасида тарбиячининг болаларни пичоқ билан қўрқитаётгани акс этган видео тарқалган эди.
Кейинроқ эса Фарғонадаги мактабнинг бошланғич синф ўқитувчиси ўқувчиларни ураётгани акс этган видео тармоқда пайдо бўлган эди.
Изоҳ (0)