Австралиялик ишлаб чиқувчилар жамоаси ҳам iOS, ҳам Android базасидаги смартфонлар учун навбатларда кутишни хоҳламаган одамларга ёрдам беришга мўлжалланган мобил дастурни чиқарди, деб ёзади «ТАСС».
Placer деб номланувчи дастур оддий тамойил бўйича ишлайди. Узундан-узоқ навбатда туриб, ўз гали келишини кутишни истамаган фойдаланувчи харитада ўзи турган жойини аниқ қилиб кўрсатади ва навбатда туришга тайёр одам — «плейсер»ни танлайди ҳамда у етиб келгач, у билан жой алмашади. Дастур фойдаланувчини унинг навбати етиб келишига қанча вақт қолгани ҳақида огоҳлантириб туради. «Мижоз» вақтида қайтиб келиб, ўз ўрнига туриб олиши кифоя.
Хизмат ҳақи тахминан 25—30 доллар атрофида бўлиб, уни махсус сайтда рўйхатдан ўтган «плейсер»ларнинг ўзлари ўз рейтинги, об-ҳаво шароити ва навбатда туриладиган тумандан келиб чиқиб белгилайди.
Дастур ҳозирча синов режимида ишламоқда, у муваффақиятли натижани кўрсатган тақдирда, АҚШ ва Европанинг бошқа шаҳарларида ҳам ишга тушади.
Изоҳ (0)