АҚШнинг Жанубий Каролина штатида яшовчи аёл биринчи марта тимсоҳ овига чиқиб, тўрт метрли рептилияни ўлдирди. Бу ҳақда The Sacramento Bee нашри хабар берди.
Кўп болали ва ёши 37 да бўлган Лаура Робинсон Гриффин икки соат давомида ботқоқли сув ҳавзасидаги йиртқични кузатган. Аёл йиртқични тимсоҳ ови учун мўлжалланган илмоқ билан нишонга олган, бироқ илмоқ сирғалиб кетган ва бир соатдан кейин қайтиб келган. Иккинчи марта овчилар тимсоҳга учта илмоқни санчган ва уни қуруқликка тортиб олган.
Аёлнинг сўзларига кўра, у ўз ўлжасини ейишни режалаштирмоқда. «Гўшт бир йилга етади. Биз кўнгилхушлик учун эмас, гўштга эга бўлиш учун ўлдирамиз», — деб таъкидлаган аёл.
Жанубий Каролина штати расмийлари ҳар йили тимсоҳ овини уюштиради. Бундан кўзланган мақсад уларнинг сонини назорат қилиб туриш ҳисобланади. Жорий йилда энг катта тимсоҳни Гриффин овлашга муваффақ бўлди. Ўтган йили овчилар томонидан узунлиги бу йилдагидан кўра 26 сантиметр узунроқ бўлган тимсоҳ ўлдирилган.
Тимсоҳларни овлаш учун арқонга маҳкамланган хўракли илмоқлардан фойдаланилади. Улар балиқ овида ишлатиладиган қармоқларни эслатади, бироқ анчагина катта бўлади.
Изоҳ (0)