Агар сиз майдони 10-12 квадрат метр бўлган ошхона соҳибаси бўлсангиз ҳам, барибир сизга у ерда жой етишмайди. Сизга ошхона ичидаги жойлардан самарали фойдаланишга ёрдам берувчи бир неча ғоялар таклиф қилмоқчимиз.
Дераза ва унинг токчасидан фойдаланинг
Дераза токчасининг устида пазандалик китобларини, зираворларни, чой ва қаҳва солинган идишларни — шкафлар ичидаги қимматли жойларни эгаллайдиган ҳамма нарсаларни қўйишингиз мумкин. Агар дераза токчасида хонаки гуллар турган бўлса, уларни шипга осинг, уларнинг ўрнига эса идишлар учун қуритгични қўйсангиз бўлади.Қутилар ва жавончаларни тафтишдан ўтказинг
Аввал уларнинг ичини йиғиштиринг ва кераксиз нарсаларни ташланг. Қутиларнинг ичига овқатланиш анжомларини, ёрмалар солинган банкаларни, ошхона майда анжомларини тахлаб қўйиш мумкин. Агар сиз ошхона мебелларини алмаштиришни режалаштирган бўлсангиз, унда суриладиган тортмалари бўлган шкафларни танланг.Шкафлар ва шип орасидаги жойдан фойдаланинг
Агар илиб қўйилган шкафлар шипга тегиб турмаган бўлса, бундан ҳам фойдаланиш мумкин. Юқорисига бир неча қутилар қўйинг. Сотиб олган маиший техниканики ҳам тўғри келади. Қувончли кайфият бағишлаш учун уларни газлама ёки қоғоз билан ўраш ва безашнинг ўзи кифоя. Уларда кам ишлатиладиган идишларни сақлаш мумкин.Осма саватчалар сотиб олинг
Агар шкафлар ичидаги пештахталар ораси етарлича баландроқ бўлса, бўш қолган жойларга осма саватчаларни жойлаштирсангиз бўлади! Улар осон маҳкамланади ва олинади. Уларнинг ичига ошхона сочиқчалари, пиёла ва ликопчаларни қўйишингиз мумкин.Манба: «Passion.ru»
Изоҳ (0)