«Ўзбеккино» миллий агентлиги бош директори Фурқат Зокиров 21 сентябрь куни Туркия элчихонасининг маданият ва туризм масалалари бўйича маслаҳатчиси жаноб Жесим Челебини қабул қилди.
Агентлик матбуот хизматининг хабар беришича, учрашувда Ўзбекистон ва Туркия ўртасида турли йўналишлардаги ҳамкорлик ришталари мустаҳкамланиб бораётгани қайд этилди.
Жесим Челеби икки томонлама маданий алоқалар, хусусан кино соҳасидаги ҳамкорлик, биргаликда қўшма лойиҳаларни ишлаб чиқиш ва ҳаётга татбиқ этишда фаол иштирок этиш унга ҳузур бағишлашини мамнуният билан таъкидлаган.
Жумладан, туркиялик меҳмон 2017 йилнинг ноябрь ойида Тошкент шаҳрида Ўзбек—Турк кинофестивалини ташкил этиш, тадбирга туркиялик киноусталарни ҳам таклиф этишни илгари сурган.
«Ўзбеккино» миллий агентлиги бош директори Фурқат Зокиров агентлик ҳозирда шу каби кўплаб таклифларни ўрганиб чиқаётганини ва бу борада ҳамкорлик қилишга тайёр эканлигини таъкидлади.
«Учрашувда, шунингдек, ўзаро маданий алоқаларга оид бошқа масалалар ҳам муҳокама этилди», — дейилади агентлик хабарида.
Изоҳ (0)