Қибрай туманида ҳуқуқни муҳофаза қилувчи органлар томонидан бола сотиш ҳолатининг олди олинди, дея хабар бермоқда Тошкент вилояти прокуратураси.
Хабар беришларича, бир гуруҳ фуқаролар ҳуқуқни муҳофаза қилувчи органларга мурожаат этиб, Қибрай туманида яшовчи аёл ўз фарзандини бегона шахсларга 1000 АҚШ долларига сотмоқчи бўлиб юрганини билдирган.
Хабарга асосан мазкур ҳолатнинг олдини олишга қаратилган тезкор тадбир ўтказилган ва туманда яшовчи, 1990 йилда туғилган М.Исмоилова 2017 йилнинг июнь ойида туғилган, уч ойлик ўғлини 500 минг сўм эвазига сотаётган вақтда ушланган.
«Ҳозирги вақтда жиноят содир этилиши сабаблари аниқланмоқда. Ҳолат юзасидан «одам савдоси» моддаси билан жиноят иши қўзғатилган», — дейилади прокуратура ахборотида.
Изоҳ (0)