Тошкентнинг Шимолий вокзали яқинидаги Кичик ҳалқа йўли устидан ўтган кўприкнинг қурилиши якунига етди, дея хабар бермоқда UZ24.
Нукус кўчасини Фарғона йўли билан боғловчи янги транспорт йўлаги қачон фойдаланишга топширилиши ҳозирча номаълум.
Тошкент шаҳар ҳокимлиги ҳам, «Ўзбекистон темир йўллари»нинг ахборот хизмати ҳам UZ24’нинг кўприк очилиши санаси борасидаги сўровига жавоб бера олмаган.
Қайд этиш жоиз, «Ўзбекистон темир йўллари»нинг сайтида 24 август куни берилган ахборотда «янги объект яқин вақт ичида фойдаланишга топширилиши» айтилган эди.
Мазкур йўл ўтказгичнинг қайта тикланиши 2017 йил май ойида, Ўзбекистон Президенти Шавкат Мирзиёевнинг кўрсатмасига асосан бошланган эди.
2008 йилда бузиб ташланган кўприк ўрнида янги, эни 22 ва узунлиги 281 метр бўлган янги йўл ўтказгич қурилди.
Изоҳ (0)