КХДР АҚШ президенти Дональд Трампнинг БМТ саммитидаги сўзларини уруш эълон қилиниши сифатида тушунди ва шунга яраша жавоб чоралари кўради. Бу ҳақда Шимолий Корея ташқи ишлар вазири Ли Ён Хо баёнот берди, деб хабар қилади «ТАСС».
Унинг сўзларига қараганда, эндиликда Пхеньян АҚШнинг стратегик бомбардимончи самолётларини уриб туширишга ҳақли.
«Қўшма Штатлар бизнинг мамлакатга уруш эълон қилган экан, биз ҳам жавоб чоралари кўришга ҳақлимиз. Жумладан, уларнинг стратегик бомбардимончилари бизнинг ҳаво ҳудудимизга кирмаган тақдирда ҳам уларни уриб туширишга ҳуқуқимиз бор», — деди дипломат.
Бундан ташқари, АҚШ ҳукумати сўзлардан ҳаракатга ўтмаслигига умид билдирди.
Изоҳ (0)