Афғонистон жанубидаги Ҳилманд вилоятида автобус ва юк машинаси иштирокида содир бўлган йўл-транспорт ҳодисасида тўрт киши ҳалок бўлди, яна 14 киши жароҳатланди. Бу ҳақда «РИА Новости» хабар бермоқда.
Авария бугун, 25 сентябрь куни Ҳирот ва Қандаҳор шаҳарларини боғловчи автотрассада юз берди.
Вилоят губернаторининг расмий вакили Омар Звакнинг маълум қилишича, автобус Нимроз вилоятидан мамлакат пойтахти Қобул шаҳрига йўл олган эди. Унинг сўзларига кўра, жароҳатланганлар орасида ёш болалар ва аёллар ҳам бор, улар шифохонага ётқизилган.
«Афғонистонда ҳайдовчиларнинг эҳтиётсизлиги туфайли тез-тез йўл-транспорт ҳодисалари содир бўлиб туради», — дейилади хабарда.
Изоҳ (0)