Хитой Савдо вазирлиги 2017 йилнинг 1 октябридан Шимолий Кореяга нефть маҳсулотларини экспорт қилишга чекловлар киритилганини маълум қилди. Тегишли баёнот вазирлик сайтига жойлаштирилди, деб хабар берди «РБК».
Шунингдек, 2017 йилнинг 11 декабридан бошлаб КХДРдан тўқимачилик маҳсулотларини импорт қилишга тўлиқ тақиқ қўйилади. Бундан ташқари, Хитой 23 сентябрдан Шимолий Кореяга конденсатор ёғи ва суюлтирилган табиий газни етказиб беришни тўхтатади. Бундай чора-тадбирлар Хитой томонидан БМТ Хавфсизлик кенгашининг 2375-сонли резолюциясига тегишли равишда қўлланилмоқда.
БМТ Хавфсизлик кенгаши 11 сентябрь куни баллистик ракеталарнинг навбатдаги ўтказилган синовига жавоб тариқасида Шимолий Кореяга нисбатан янги санкцияларни бир овоздан қабул қилганди.
Август ойининг охирларида эса Хитой КХДР фуқаролари ва компанияларига Хитойда янги бизнес очиш ёки мавжудларини кенгайтиришни тақиқлаб қўйганди.
Изоҳ (0)