«Толибон» радикал гуруҳи жангарилари Афғонистоннинг марказида жойлашган Ғазни вилоятида жойлашган назорат-ўтказиш пунктига ҳужум уюштирди. Бу ҳақда «РИА Новости» хабар бермоқда.
Ҳужум оқибатида беш нафар полициячи ҳалок бўлди, яна саккиз нафари жароҳатланди.
Вилоят губернаторининг вакили Муҳаммад Ориф Нурининг маълум қилишича, ҳужум Боғи Аттор туманида юз берган.
Унинг сўзларига кўра, ҳодиса жойига етиб келган ҳуқуқ-тартибот органлари ходимлари ҳужумни бартараф этган. Радикал гуруҳ жангариларидан бир неча киши ҳалок бўлган. Бироқ ҳалок бўлган толибларнинг аниқ сони маълум қилинмаган.
Изоҳ (0)