Фотогалерея: Германия тарихидаги энг ажойиб автомобиллар

«Мотор» нашри Германия тарихидаги энг яхши автомобиллар ҳақида маълумот тўплаб тақдим этди.

NSU Rо80

1967 йилда ишлаб чиқарилган седаннинг дизайни Клаус Люте томонидан ишланган бўлиб, у ўз давридан ўн йил олдинга илгарилаб кетганини кўриш мумкин. У 1968 йилда «Йил автомобили» номида сазовар бўлган. NSU Rо80 ротор-поршенли двигатель ва уч поғонали механик узатмалар қутиси билан жиҳозланган.

Volkswagen Golf GTi

Golf GTi хэтчбеки спорт автомобили, албатта, катта, кучли, шовқинли ва қиммат бўлиши шарт эмаслигини исботлаб берган. Ҳозирги кунда 110—112 от кучи кулгули туюлсада, 40 йил олдин бундай эмас эди. Ушбу модель 100 километр тезликка 9,2 сонияда эришган.

Porsche 956

635 кучга эга Porsche 956 модели 34 йилдан бери Нордшляйфе пойга трассасидаги энг тезкор автомобиллардан бири бўлиб келмоқда (20,8 километрни 6,11 дақиқада босиб ўтган).

Mercedes С-clаss (W126)

Ўз даврида шайхлар томонидан юқори талаб бўлган ушбу модель Европа автомобилсозлиги тарихида ёрқин из қолдирган. Японлар Lexus’ни яратишда айнан ундан илҳом олган. 1979—1991 йилларда ишлаб чиқарилган седанда ўша вақтлардаёқ ABC, хавфсизлик ёстиқчаси, хавфсизлик камари, электр қурилмалар билан жиҳозланган ўриндиқлар бўлган.

Audi Quattro

1980 йилда ишлаб чиқарилган Audi Quattro сирпанчиқ йўлларда бошқа автомобиллардан кўра ишончли эканлигини бир неча бор исботлаган. Ишлаб чиқарилганидан бир ўтиб Мишель Мутон Quattro миниб жаҳон чемпионатида ғолибликни қўлга киритган биринчи аёлга айланган.

BMW M5

М5’ни «суперкарлар қотили», «қўзи терисидаги бўри» дея аташган. М5’дан сўнг AMG Hammer, Lotus Omega’лар пайдо бўлган.

Mercedes 300 SL

300SL шубҳасиз, биринчи суперкар ҳисобланади. Уни яратишда барча эътибор максимал тезликка эришишга қаратилган. 215 қувват кучига эга бўлган двигатель соатига 250 километр тезликда ҳаракатлана олган. Жорий йилда 63 ёшни қарши олган автомобиль ҳозирда миллион доллардан ортиқ туради.

Porsche 911

Орқа моторли 911 ҳозирда 53 ёшни қарши олганига қарамай ажойиб ишламоқда. Дунёнинг барча спорткарлари ўн йиллардан бери у билан беллашмоқда.

Benz Patent-Motorwagen

1886 йилнинг январида рўйхатдан ўтган ушбу модель дунёни бутунлай ўзгартириб юборди. Бенцнинг ички ёнув двигатели 1885 йилда тайёр бўлган ва дунёдаги тўлақонли автомобилга айланган.

Volkswagen Käfer

Биринчи немис миллий машинаси 21,5 миллион нусхада ишлаб чиқарилган ва муҳандис Фердинанд Порше иқтидорининг ёрқин мисолидир. Ушбу модель ҳамон сайёрадаги энг яхши автомобиллардан бири  ҳисобланади.