Арманистон президенти Серж Саргсян мамлакат аҳолисининг сони 2040 йилгача тўрт миллион кишидан ошиши кераклигини маълум қилди, деб ёзмоқда «Tert.am».
Президентнинг сўзларига кўра, мамлакат керакли кўрсаткичга туғилишлар сонини ошириш ва ҳаёт давомийлигини узайтириш ҳисобига эришиши мумкин. «Мақсдага интилиш келгуси 25 йилда Арманистонга иммиграциянинг жиддий ошишини кўзда тутмоқда», — деб таъкидлаган давлат раҳбари.
Арманистон аҳолиси 2017 йилнинг 31 июль ҳолатига 2 миллион 979 минг кишини ташкил қилган. Сўнгги йилларда бу кўрсаткич жиддий пасайган. 1991 йилда мамлакатда 3 миллион 574 минг киши яшаган. Бунда арман диаспораси мамлакат аҳолиси сонидан анчагина кўпроқни ташкил қилади. Турли маълумотларга кўра, хорижда 7—8 миллион арман яшайди.
Изоҳ (0)