Жанубий Корея президенти Мун Чжэ Иннинг қўллаб-қувватланиш даражаси қаторасига учинчи ҳафтадан бери пастлашда давом этиб, 67,1 фоизни ташкил этди. Бу ҳақда «ТАСС» хабар бермоқда.
Realmeter социологик агентлигига кўра, бу ўтган ҳафтага нисбатан 2 фоизга паст ва жорий йил май ойида ҳокимиятга келган Мун Чжэ Ин учун тарихий минимум. Ўшанда унинг рейтинги 80 фоиздан ошиқ эди.
«Давлат раҳбари рейтинги пасайиши жамоатчиликнинг хавфсизлик ва Шимолий Корея ракета учиришлари борасидаги хавотирлари кучайиши билан боғлиқ», — дея изоҳ берди агентлик.
Жанубий Корея президенти фаолиятидан норози респондентлар сони ҳам ўтган ҳафтага нисбатан 2,2 фоизга ўсди ва 26,8 фоизга етди.
Изоҳ (0)