Украинага ҳалокатли довул яқинлашмоқда

Руминияга 17 сентябрь, якшанба куни ёпирилган ҳалокатли довул Украинага яқинлашмоқда. Бу ҳақда «Bigmir.net» хабар берди. 

Мазкур табиий офат оқибатида Руминияда 8 киши ҳалок бўлди, 70 га яқин киши касалхонага ётқизилди.

Мамлакатда айрим жойларда шамол кучи соатига 100 километргача етгани, дарахтларни қўпориб, уй томларини кўтаргани билдирилмоқда. Кўплаб электр узатиш линиялари, сув таъминоти каналлари шикастланди. 

Руминия фавқулодда хизматлари аҳолидан кўчага чиқмасликни сўрамоқда. Ҳозирда довул Украина томонга силжимоқда.