Германия ташқи ишлар вазири Зигмар Габриэль Россия, АҚШ ва Хитой КХДР билан музокаралар олиб бориши зарурлигини маълум қилди. Бу ҳақда Deutsche Welle хабар бермоқда.
Унинг сўзларига кўра, Шимолий Корея муаммосининг ечими учун 1980 йилларда СССР ва АҚШ ўртасидаги муносабатларда сиёсатчилар томонидан қилинган каби дадил қадамлар зарур.
Зигмарнинг фикрича, Ким Чен Ин ақлсиз эмас. У танлаган стратегиясига совуққонлик билан ёндошмоқда. У Шимолий Кореяга ҳеч ким таҳдид қила олмаслиги учун атом бомбаси яратмоқда.
КХДР етакчиси 16 сентябрда Шимолий Корея амалда ядро кучларини тузишга яқин эканлигини маълум қилган. «Биз мамлакатимиз чексиз санкциялар ва тўсиқларга қарамасдан ўз мақсадларига эришишини кўрсатишимиз керак. Бизнинг олий мақсадимиз — Корея яриморолидаги муаммоларни куч ишлатмасдан ҳал қилиш учуин АҚШ билан кучларни мувозанатлаштириш», — деб баёнот берган Ким Чен Ин.
Изоҳ (0)