Германия канцлери Ангела Меркель немис фуқаролари қўлга олинишига жавобан Туркия билан савдони чеклашни ваъда қилди. Бу ҳақда «Европейская правда» хабар бермоқда.
«Туркия билан умумий иқтисодий ҳамкорлигимизни янада кўпроқ қисқартириш ва лойиҳаларни синчиклаб ўрганишимизга тўғри келади», — деди Меркель немис фуқаролари озод этилишига қандай эришмоқчи эканлиги ҳақидаги саволга жавобан.
Германия ТИВга кўра, Туркия давлат тўнтаришига уринишда гумон қилиб, ҳибсга олган 50 минг кишидан камида 55 нафари немис фуқаролигига эга. Улардан 12 киши сиёсий маҳбус саналади.
Изоҳ (0)