Россия президенти Владимир Путин ошкора ҳақорат қилинган мақолани чоп этган Германиянинг Focus журнали бош муҳаррири Роберт Шнайдер шов-шувга сабаб бўлган ибора учун узр сўради, деб ёзади «РБК» Россиянинг Германиядаги элчихонаси матбуот котибига таяниб.
Унинг сўзларига кўра, Шнайдер 14 сентябрь куни элчихонага шахсан ўзи қўнғироқ қилиб, журналда Россия президентига нисбатан келтирилган ибора учун узр сўраган. Бош муҳаррир журнал таҳририяти Россия давлати раҳбарини хафа қилишни ёки ҳақоратлашни заррача ҳам истамаганлигини таъкидлаган.
У танланган ибора нотўғри эканлигини тан олиб, муштарийлардан ҳам узр сўраган.
Эслатиб ўтамиз, нашрнинг жорий йилдаги сонларидан бирида «Канцлер Ангела Меркель Путиннинг итидан қўрқади, бироқ ит Путиндан эмас», деган жумла қўлланилган.
Изоҳ (0)