Корея Республикаси президенти Мун Чжэ Ин КХДР билан музокаралар олиб бориш иложсиз эканлигини айтди ва уни бутунлай йўқ қилиш билан таҳдид қилди. Бу ҳақда мамлакат етакчиси Сеулдаги Миллий хавфсизлик кенгаши мажлисида айтиб ўтди, деб ёзади «ТАСС».
КХДР БМТ Хавфсизлик кенгаши резолюциясини бузган ҳолда, яна баллистик ракета учирганини таъкидлар экан, Мун Чжэ Ин «бундай вазиятда Пхеньян билан музокаралар имконсиз» эканлигини айтди.
«Шимолий Корея Жанубга ёки иттифоқдошимиз (АҚШ)га нисбатан гиж-гижлашларни қўллаган тақдирда, биз Шимолни қайта ўнглана олмайдиган даражада йўқ қилиб ташлаш учун етарлича кучга эгамиз», — деди президент.
Изоҳ (0)