Сочи шаҳрида бўлиб ўтаётган «Новая волна» оммабоп мусиқа ёш ижрочилари халқаро танловида Ўзбекистон номидан Сардор Милано қатнашмоқда, Вьетнам вакили сифатида эса Тошкентдаги В. Успенский номли Республика ихтисослаштирилган мусиқий академик лицей битирувчиси Лилу Лиен иштирок этмоқда, деб ёзади «Nuz.uz».
Лилу Лиен 20 йилдан буён Тошкентда яшайди, аммо Вьетнам фуқароси ҳисобланади, шу сабабли у Вьетнам вакили сифатида қатнашмоқда.
Иккала қўшиқчи ҳам ўтган танлов кунларида аъло натижаларни кўрсатди ва етакчи поғоналарни эгаллаб турибди.
Айни пайтда Сардор энг юқори балларни йиғиб, биринчи ўринга даъвогарлик қилмоқда, Лиен эса — учинчи ўринга. Сўнгги, ҳал қилувчи босқич ғолибларни аниқлайди.
«Новая волна» 16 йилдан буён ҳар йили Россияда бўлиб ўтади. Бу йил унда МДҲ мамлакатлари, Руминия, Молдова ва Швеция каби 9 мамлакат вакиллари қатнашмоқда.
Изоҳ (0)