Тўғри танланган сумка, худди кийим каби кўринишни ўзгартириш, қиёфани мувофиқлаштириш ва ҳатто қоматнинг камчиликларини ҳам яширишга ёрдам беради. Мутахассислар маслаҳатлари ёрдамида мукаммал сумка танлашни ўрганамиз.
Гап сумкаларнинг асосий турлари ҳақида кетганда уларни уч тоифага ажратиш мумкин:
Ҳамма керакли нарсаларни ўз ичига сиғдирадиган катта сумка. Уни ишга, узоқ вақтга боғларга сайр қилишда ёки шоппинг қилишда ишлатиш мумкин. Бу текстиль, чарм, сунъий матолардан қилинган шохо, бокер, рюкзак бўлиши мумкин.
Иш юзасидан бўладиган учрашувлар ёки суҳбатларга тақиладиган чиройли сумка. У ўз шаклини йўқотмайдиган ва А4 форматидаги ҳужжатлар, енгил ноутбук ёки планшет сиғадиган бўлиши керак. Вақт ўтиши билан бурчаклари ва букилган жойлари бузилмаслиги учун у табиий чармдан қилинган бўлса мақсадга мувофиқ бўлар эди.
Театр, тантанали кечалар ёки учрашувлар учун сумка. Ҳар томонлама қулай бўлган сумка — занжирли ёки занжирсиз клатч. Ўзингизга мос келадиган рангини топишга ҳаракат қилинг: у сизнинг ҳар қандай кечалик либосингизни ажойиб тарзда тўлдиради.
Сумкаларни ташқи кўринишга қараб танлаш
Сумканинг катталиги. У сизнинг бўйингизга ва қоматингизга мос келиши керак. Агар сиз тўладан келган бўлсангиз, унда йирик безаклари бўлган катта сумкаларни танланг. Агар сиз нозиқ қоматли бўлсангиз, унда катта сумка кулгили кўриниши мумкин.Ранги. Қора ранг ҳамма либосларга мос тушади дейишади. Бу нотўғри: бундай сумка фақат ахроматик рангдаги либослар билан ярашади. Қиш фасли учун тўқ рангли сумкаларни танлаганингиз маъқул.
Манба: «Stylist-online.info»
Изоҳ (0)