Марғилон шаҳрида бўлиб ўтадиган «Атлас байрами» фестивали 15 сентябрь куни очилади. Бу ҳақда ЎзА хабар бермоқда.
«Атлас байрами» фестивали ЮНЕСКО ишлари бўйича Ўзбекистон Республикаси Миллий комиссияси, Маданият вазирлиги, Бадиий академия, Туризмни ривожлантириш давлат қўмитаси, «Ҳунарманд» уюшмаси, ЮНЕСКОнинг Ўзбекистондаги ваколатхонаси ва Фарғона вилояти ҳокимлиги томонидан ташкил этилмоқда.
Фестиваль доирасида «Марказий Осиё халқлари анъанавий матолари ва барқарор ривожланиши» мавзусида халқаро анжуман, Ўзбекистон ҳунармандчилик кўргазмаси ташкил этилади. «Ўзбекистон анъанавий гиламчилик санъати», «Марказий Осиё матолари» кўргазмаси, Ўзбекистон моделерлари шоу-дефилеси, концертлар, кураш мусобақаси, аскиячилар ва дорбозлар чиқишлари, «Девзира» ош танлови ҳам ўтказилади.
Айни кунларда, фестиваль доирасида, ёш ҳунармандлар учун таниқли усталар иштирокида атлас ва адрас матоларига безак бериш бўйича маҳорат сабоқлари бўлиб ўтмоқда.
Изоҳ (0)