Одатда, эгизаклар бир-бирига икки томчи сувдек ўхшайди. Улар ўртасида кўпинча ўзига хос алоқа бўлади. Novate нашри эгизаклар билан боғлиқ қизиқарли фактларни тақдим этди.
Бекор қилинган никоҳ
Буюк Британияда 2008 йилда бир жуфтлик эгизак эканлигини тушуниб етиб, ажрашиб кетди. Эгизаклар туғилганидан сўнг турли оилаларга тушган ва йиллар ўтиб учрашган ҳамда никоҳ қурган. Улар бир-бирининг ака-сингил эканлиги ҳақида ўйлаб ҳам кўрмаган. Охир-оқибат улар суд орқали ажрашган.
Турли оталардан туғилган эгизаклар
Эгизакларнинг оталари турли кишилар бўлиши мумкин. Бунинг эҳтимоли ҳар 400 та эгизакда биттани ташкил қилади.
Сут, творог, пишлоқ
Сутли маҳсулотларни кўп ейдиган аёлларда эгизакларни дунёга келтириш эҳтимоли кўпроқ бўлади.
Квартетли никоҳ
Агар бир хил тухумли эркак жинсидаги эгизаклар ва бир хил тухумли аёл жинсидаги эгизаклардан болалар туғилса, уларнинг болалари юридик жиҳатдан амакивачча бўлади, бироқ генетик жиҳатдан туғишган ҳисобланади. Эркак ва аёл эгизаклар никоҳ қурса, бу «квартетли никоҳ» деб аталади.
40 ёшда 69 нафар фарзанд
Бир аёлдан туғилган энг кўп бола сони 69 нафарни ташкил қилади. 40 ёшли аёлнинг 16 та иккитали эгизак, 7 та учтали эгизак ва 4 та тўрттали эгизак фарзанди бўлган. (16х2+7х3+4х4=69). Қаҳрамон она 2010 йилда 93 ёшида вафот этган.
Ўзига хос ҳид
Ҳар бир одам ўзига хос ҳидга эга бўлади. Эгизаклар бундан мустасно бўлиб, уларннг ДНКси ва ҳиди бир хил бўлади. Эгизаклар бир хил муҳитда яшаб, бир хил маҳсулотларни истеъмол қилса, фақат ит уларни фарқлай олиши мумкин.
Бармоқ излари
Бир хил эгизакларнинг бармоқ излари турлича бўлади. Бармоқ излари онанинг ҳомиладорлик даврида, эмбрион ажралишидан сўнг шаклланади.
Биринчи дўстлар
Эгизаклар бир-бири билан она қорнидаёқ алоқа ўрнатади. 14 ҳафталик бўлган вақтда улар бир-бирига тега бошлайди. 18 ҳафталик бўлганида эса бир-бирига ўзидан кўра кўпроқ тегади.
Эгизакларнинг ўз тили бўлади
Баъзи эгизаклар ўз тилини яратди. Улар катталар бўлмаган вақтда ўз нутқ моделини ишлаб чиқади. Эгизаклар кўп вақтни бирга ўтказади ва кўп нутқ амалиётига эга бўлади. Бу тил болаларга «ҳақиқий» тил ўргатилганда унутилади.
Эркак эгизакларнинг болалари ҳам эгизак бўлиши мумкин
Эркак эгизакларнинг рафиқаларида бирданига иккита тухум ҳужайра шаклланса, уларнинг болалари ҳам эгизак бўлиши мумкин.
Чапақайлар
Эгизакларнинг 22 фоизи чапақай бўлади, оддий одамлар ичида эса бу кўрсаткич 10 фоизни ташкил қилади. Мавжуд назарияга кўра, чапақайлик эгизаклар каби она қорнида шаклланади.
Эгизаклар туғилишининг энг юқори даражаси Нигерияда
Нигерияда эгизаклар туғилишининг энг юқори даражаси қайд этилган. Энг паст даража эса Хитойга тегишли.
Эгизакларнинг ўртача вазни
Эгизаклар туғилганда уларнинг ўртача вазни 2,4 килограммни ташкил қилади. Бироқ британиялик Ханна ва Томас туғилганда уларнинг умумий вазни саккиз килограммни ташкил қилган.
Оқ айиқларнинг эгизаклари
Оқ айиқларда эгизак боланинг туғилиши табиий ҳолат ҳисобланади. Аслида, улар кўпинча иккита бола туғади, камдан-кам ҳолларда учта ёки битта бола туғилади. Оқ айиқларнинг урғочилари 25 йилгача авлод қолдириши мумкин.
Изоҳ (0)