Сингапурлик фотограф Арам Пэн камёб имкониятлардан бирига эга бўлди. У самолётдан Шимолий Корея пойтахти Пхеньянни тасвирга олди. Бу ҳақда «Корреспондент.net» хабар берди.
Видеода баланд ёрқин бинолар, яшил майсазорлар ва пойтахтнинг ғалати бўм-бўшлиги кўринади.
«Шимолий Кореяда самолётдан тасвирга олишга рухсат олиш камдан-кам бериладиган имкониятлардан бири ҳисобланади», — деб ёзган фотограф видеонинг изоҳида.
Straits Times нашрининг ёзишича, видео ўтган йили олинган, бироқ энди тармоққа жойланган.