Америкалик таниқли қўшиқчи Мадонна Twitter’даги саҳифасига FedEx почта компанияси вакиллари унга деб юборилган посилкани топширишдан бош тортганликлари ҳақида ёзиб қолдирди. Бу ҳақда TJournal хабар берди.
«Бутун ҳафта давомида ўзингни Мадонна эканлигинни FedEx’га исботлашга ҳаракат қиласан, бироқ улар барибир сенга посилкани топширмайди», — деб ёзади Мадонна.
Ушбу твитни ўқиган FedEx ходимларидан бири қўшиқчига ўз ёрдамини таклиф қилди.
«Салом, бу Жули. Ёрдам бермоқчиман. Истимос, менга посилка етказилиши керак бўлган манзилни, унинг йўналиши ва телефон рақамингизни юборинг».
Мадоннанинг мухлислари ўзини почта хизмати ходими дея таништирган аёл, аввало, ўз шахсини тасдиқласа ёмон бўлмасди деб изоҳ қолдирди.
«Жули ростдан ҳам FedEx’да ишлашига қандай қилиб ишонишимиз мумкин? Балки унинг ўзи бизга манзили ва телефон рақамини юборар…», — деб ёзади мухлислардан бири.
Изоҳ (0)