АҚШнинг Техас штатидаги Лафкин шаҳри полицияси дўкондан маҳсулотлар ўғирлашда гумонланаётган аёл қандай қилиб йўлтанламасни олиб қочиб кетгани ҳақидаги видеони эълон қилди. Ҳуқуқни муҳофаза қилувчи идоралар тартиббузар аёлни 23 дақиқа таъқиб қилган. Бу ҳақда TJournal хабар берди.
33 ёшли Тоша Фей Спонслер косметика ва парфюмерия дўконидан маҳсулотларни ўғирлашда гумонланиб, қўлга олинган. Полициячилардан бири аёлнинг қўлига кишан таққан ва уни полиция жипининг орқа ўриндиғига ўтиртириб, хавфсизлик камарини тақиб қўйган.
Спонслер полициячиларнинг йўқлигидан фойдаланиб, ҳайдовчининг ўриндиғига ўтган. Шундан сўнг автомобилни ёқиб, қочиб кетишга уринган.
Соатига 100 километр тезликдаги 23 дақиқалик таъқибдан сўнг аёл бошқарувни йўқотиб, йўл четига чиқиб кетган. Шундан сўнг у қўлга олинган. Унга оғир жиноятлар бўйича бешта айблов эълон қилинган.
Изоҳ (0)