Ўйиндан кейинги матбуот анжуманида миллий терма бош мураббийи Самвел Бабаян қисқача кириш сўзи қилиб, журналистларнинг саволларига жавоб бермай, тадбирни тарк этган.
Мавзуга доир: «Позор, позор!». Самвел Бабаян журналистларнинг саволларига жавоб бермай, матбуот анжуманини тарк этди
Бугунги ўйин ЖЧ—2018 га чиқишимиз учун сўнгги имконият эди. Йўлланма учун курашни давом эттиришимиз учун бизга бугунгидек дуранглардан иккита, балки учта етмади. Икки йил давомида қўлимдан келганини қилдим, футболни тушунганимча, виждоним йўл қўйганича ишладим. Афсуски, бунинг ўзи камлик қилди.Самвел Бабаян матбуот анжуманидан чиқиб кетган бўлса, миллий терма жамоа футболчилари ва мураббийлар штаби микст-зонадан ўтмади. Бу ҳолат ҳам журналистларнинг қатъий норозилигига сабаб бўлди.Миллий терманинг кейинги бош мураббийи мендан кўра кўпроқ ҳаракат қилишини хоҳлайман. Ўтган давр мобайнида таркибга бир гуруҳ ёш футболчилар жалб этилди. Ўйлайманки, Ўзбекистон бошқа шароитларда, бошқа мураббий билан жаҳон чемпионатига чиқиш имконига эга бўлади. Эҳтимол, таркибга яна бошқа ёш футболчилар ҳам қўшилар.
Бизга нима етишмади? Ҳозир бу ҳақда гапиришга тайёр эмасман. Маълум бир фикрлар бор, мағлубиятга учраган ўйинларимизда бизга нима етишмагани ҳақида вақти келса сўзларман. Лекин, ишонч билан айтишим мумкинки, бу ерда фақат жамоа ёки мураббийларнинг ғоялари, камчиликлари айбдор эмас, масалага янада чуқурроқ ёндашиш, нима учун Сурия билан, Хитой билан, сафарда Корея билан камида дуранг ўйнай олмаганимиз ҳақида ўйлаб кўриш керак.
Ҳозир гапириш, қандайдир саволларга жавоб беришдан маъно йўқ. Мен тайёр эмасман. Вақти келиб, барча саволларга жавоб берарман. Мени кечиринглар. Раҳмат.
Самвел Бабаян, Ўзбекистон миллий терма жамоаси бош мураббийи
Изоҳ (0)