АҚШ Шимолий Кореяга нефть етказиб беришга эмбарго жорий этиш ва КХДР етакчиси Ким Чен Иннинг активларини музлатиб қўйишни таклиф этди. Бу ҳақда БМТ Хавфсизлик кенгаши резолюцияси лойиҳасига таяниб, Reuters маълум қилди, дея хабар беради «ТАСС».
Шунингдек, Қўшма Штатлар Шимолий Корея текстил экспортига тўсқинлик қилиш ва КХДР фуқаролари хорижда ишга ёлланишига тақиқ ўрнатишни ҳам таклиф этмоқда.
АҚШнинг БМТдаги доимий вакили Никки Хейли Вашингтон мазкур ҳужжатни 11 сентябрь, душанба куни овозга қўйиш ниятида экани маълум қилди. Бироқ Россиянинг халқаро ташкилотдаги вакили Василий Небензя Хавфсизлик кенгаши ҳафта давомида келишувга эришиши ва резолюцияни қабул қилишига шубҳа билдирди.
Изоҳ (0)