IFА 2017: Cаndy «ақлли» кир ювиш машинаси одамлар билан битта тилда гаплаша олади

Cаndy компанияси ҳар қандай эркак билан «умумий тил топиша оладиган» Biancа кир ювадиган машинасини тадим этди, деб хабар берди «Hi-tech.mail.ru».

Cаndy компанияси IFА 2017 да тақдим этган кир ювиш машинаси фойдаланувчини тинглайди, сўровларини бажаради, шунингдек, унга жавоб қайтара олади. Бунга Google Assistant ёрдамчисини янги кир ювиш машинасига мослаштирган Google компанияси билан ҳамкорлик натижасида эришилди.

Фойдаланувчи ва кир ювиш машинаси ўртасидаги «диалог» смартфон орқали амалга оширилади. Android ҳамда iOS операцион тизимида ишлайдиган смартфонга Easy-Fix Cаndy дастурини юклаб олиб, маиший техника билан ўзаро алоқаси овозли ёки матнли сўровлар билан ўрнатилади. Biancа анча мураккаб топшириқларни, жумладан, ювилган кўйлакларни дазмол қилиш учун керакли дастурни топа олиш каби топшириқларни бажара олади.

Энг муҳими — Candy Bianca бир соат ичида исталган дастурда ва ҳар қандай матони Zооm технологияси асосида А класс даражасида ювиб беради.

Ҳозирча кир ювиш машинаси фақатгина инглиз ва итальян тилларида гаплашади. Машинанинг нархи 500 евродан сотила бошланиши кутилмоқда.