Таиланддаги Cheil реклама агентлиги уйсиз итларни ҳимоя қилувчи Soi Dog Foundation ташкилоти билан ҳамкорликда «ақлли» камзулни ишлаб чиқди, унинг ёрдамида кўппаклар кўча патруль итларига айланади. Шу тариқа, баъзи маҳаллий фуқаролар бефойда деб ҳисоблайдиган итлар кўчадаги жиноятлар сонини камайтиришда ёрдам беради, деб ёзади Afisha Daily.
Камзул яширин видеокамералар, шунингдек, ит вовиллаган пайтда ишга тушадиган датчиклар билан жиҳозланган. Видео реал вақт режимида мобил телефон ёки компьютерга махсус дастур орқали трансляция қилинади ва атрофда бўлаётган барча ҳодисаларни кўрсатиб беради.
Дайди итлар учун «ақлли» камзул муаллифлари сўзларига кўра, уларнинг ишланмалари мукаммалликдан йироқ ва ҳозирча тўлиқ ишга тушириш ҳақида гапиришга эрта.
Изоҳ (0)