Чармдан қилинган буюмларни танлашда кўпинча сотувчи қалбаки нарсани табиий матодан қилинган деб алдаяптими ёки ҳақиқатан ҳам бизга асл ва сифатли буюмни таклиф қилаяптими деб ўйланиб қоламиз. Чармдан қилинган буюмларнинг асллигини аниқлаб, ишонч билан ҳақиқатга эришиш жуда муҳим. Буни қандай амалга ошириш мумкин?
Энг самарали ва ҳаммасидан кўра оммабопроқ бўлган усул – материалга бармоқларни теккизиш. Табиий чарм сизнинг тегинишингиз натижасида дарҳол исийди. Қалбаки чарм эса аввалгидек совуқ ҳолида қолади. Бу усулнинг самарадорлиги салқин об-ҳавода ортади.
Шунингдек материалнинг ишлов берилмаган қисмига эътибор бериш жуда муҳим. Уни масалан оёқ кийимнинг боғичлари атрофидан топиш мумкин. Бу жойдаги қалбакилик юпқа қатламдан қилинган қопламанинг ўзига хос қатламини намойиш қилади. Йўл қўйилиши мумкин бўлган ҳолат – устига сунъий чарм елимлаб ёпиштирилган мато. Табиий чарм эса анча маҳкам ва қалин бўлган биргина қатламдан ташкил топган бўлади.
Чарм устига сув теккизиш орқали уни текшириб кўриш ҳам ёмон усул эмас. Шубҳа туғдираётган чарм устига бир-икки томчи сув томизинг. Ҳақиқий чарм сувни ўзига сингдириб олади ва бироз қорамтирроқ бўлиб қолади. Қалбакисидан эса сув томчилари шу ондаёқ оқиб кетади. Бундан ташқари, табиий чармдан қилинган буюмларга албатта чармли намуналар илова қилинади. Улар одатда сунъий чармдан қилинган буюмларда ишлатиладиган матолардан анча қалинроқ бўлади.
Мана кўраяпсизки, чармдан қилинган буюмларнинг табиийлик ва сифат даражасини аниқлаш жуда осон экан.
Изоҳ (0)