Ўзбекистон 2017 йилнинг 3 сентябрь куни КХДР БМТ Хавфсизлик Кенгашининг резолюциясини қўпол равишда бузган ҳолда навабатдаги ядровий синовни ўтказганидан ташвишда, деб хабар берди Ташқи ишлар вазирлиги матбуот хизмати.
Ўзбекистон Шимолий Корея томонининг ушбу ҳаракатлари Корея яриморолида тинчлик ва ишончни ўрнатиш ташаббусларига қарама-қарши бораётгани сабаб, Пхеньянни жаҳон ҳамжамияти фикрини тинглашга, минтақа ва дунёда кескинликнинг кучайишига олиб келувчи провакацион ҳаракатлардан қочишга чақирди.
Ўзбекистон Марказий Осиёда ядро қуролидан холи зонани барпо этиш ташаббускори сифатида ядро қуролини тарқатмаслик тўғрисидаги шартнома қоидаларига қатъий амал қилинишини қўллаб-қувватлайди ва уни ишлатишдаги таҳдидларни камайтиришга катта эътибор қаратади.
Ўзбекистон Республикаси жаҳон ҳамжамиятининг Корея яриморолидаги вазиятни ҳал этишга қаратилган чора-тадбирларини қўллаб-қувватлайди ва вазият фақатгина сиёсий ва дипломатик йўл билан ҳал қилинишига умид қилади.
Изоҳ (0)