Буюк Британия бош вазири Тереза Мэй Консерватив партиянинг октябрда бўлиб ўтадиган съездидан сўнг қироллик Евроиттифоқдан чиқиши учун тўланадиган сумма 50 миллиард фунтгача (54 миллиард евро) кўпайтирилишини маъқуллаши мумкин. Бу ҳақда «ТАСС» хабар берди.
The Sunday Times нашри ҳукумат раҳбари шу тариқа Евроиттифоқ билан савдо музокараларини рағбатлантириш ниятида эканлигини билдирди.
«Биз якуний ҳисоб-китоб 20 дан 30 миллиард фунтгача боришини мўлжаллагандик, бироқ энди у 50 миллиард фунтга яқинлашди», — маълум қилди Мэйга яқин манба.
Манбага кўра, бош вазир Консерватив партия парламентдаги кўпчиликни бой берганидан сўнг Британиянинг музокаралар жараёнидаги мавқейи пасайгани туфайли бунга тайёр бўлиб турибди.
Изоҳ (0)