«Боко Ҳарам» жангариларининг Нигерия шимоли-шарқида уюштирган ҳужуми оқибатида камида 18 киши ҳалок бўлди. Бу ҳақда Reuters агентлигига асосланиб, «РИА Новости» хабар берди.
Агентлик маълумотларига кўра, ҳужум 1 сентябрь, жума куни кечаси содир бўлган. Пичоқлар билан қуролланган номаълум шахслар Майдугури шаҳридан 130 километр нарида жойлашган Банки аҳоли пунктига ҳужум уюштириши оқибатида 18 киши ҳалок бўлган.
Нигерияда «Боко Ҳарам» радикал исломий гуруҳи фаолият кўрсатади. Гуруҳ жангарилари таълимнинг ғарб моделига қарши чиқиш қилади ва мамлакат бўйлаб шариатни ўрнатишни ният қилган.
Изоҳ (0)